Avokat për kontrata tregtare

Tri mënyra asistence

• Hartim nga fillimi, mbi kushtet tregtare që keni rënë dakord dhe çështjet që ende duhen zgjidhur.
• Rishikim dhe negocim i draftit të palës tjetër, me komente, ndryshime dhe kundërpropozime.
• Asistencë pas nënshkrimit: anekse, njoftime për shkelje, rinegocim, zgjidhje kontrate dhe kërkim përmbushjeje ose dëmshpërblimi, me padi ose masa sigurimi kur ka bazë ligjore.

Llojet e marrëveshjeve

Punojmë me kontrata furnizimi e shitblerjeje tregtare, shërbimesh, shpërndarjeje e agjencie, investimi e partneriteti, si dhe marrëveshje konfidencialiteti ose memorandume bashkëpunimi. Lloji i kontratës duhet të ndjekë transaksionin real dhe mënyrën si biznesi do ta zbatojë.

Për marrëveshje trualli dhe zhvillimi shihni kontratat e sipërmarrjes; për hyrjen ose daljen e ortakëve, shoqëritë dhe kuotat.

Çfarë kontrollojmë

• Objektin, specifikimet, dokumentet shoqëruese dhe autorizimin e personit që nënshkruan.
• Çmimin, këstet, kushtet e pagesës dhe lidhjen e tyre me dorëzimin ose pranimin.
• Afatet, cilësinë, përgjegjësinë për defekte dhe procedurën e verifikimit të përmbushjes.
• Garancitë, penalitetet dhe kufijtë e përgjegjësisë së secilës palë.
• Ndryshimin, rinovimin dhe zgjidhjen e kontratës, përfshirë detyrimet që vazhdojnë pas saj.
• Ligjin e zbatueshëm, mënyrën e njoftimit dhe zgjidhjen e mosmarrëveshjeve.

Çfarë merrni nga shqyrtimi

Sipas angazhimit, përgatisim draftin, versionin me ndryshime ose listën e pikave për negociim. Dallojmë çështjet që ndikojnë drejtpërdrejt në pagesë, kontroll dhe përgjegjësi nga ndryshimet vetëm formale.

Anekset, ofertat dhe specifikimet kontrollohen bashkë me kontratën, që dokumentet të mos thonë gjëra të kundërta. Kur marrëveshja është nënshkruar, lidhim veprimin e propozuar me njoftimet, provat e dorëzimit dhe shkeljen konkrete.

Si punojmë

Sqarojmë marrëveshjen

Krahasojmë kushtet tregtare me draftin, ofertat dhe specifikimet.

Përgatisim ndryshimet

Hartojmë klauzolat dhe kundërpropozimet për pikat që kërkojnë negocim.

Asistojmë në zbatim

Kontrollojmë versionin përfundimtar ose veprimet pas nënshkrimit.

Pyetje të shpeshta

Drafti thotë se është standard. Duhet rishikuar?

Një model standard mund të jetë shkruar për interesin e palës që e përdor. Rishikimi tregon nëse kushtet përputhen me marrëveshjen dhe detyrimet që po merrni përsipër.

Mjafton të ndryshojmë disa pika me email?

Duhet parë si e rregullon kontrata ndryshimin e saj dhe çfarë prove krijon komunikimi. Kur kërkohet, ndryshimet dokumentohen me aneks të nënshkruar.

Mund ta përfundoni kontratën nëse pala tjetër nuk paguan?

Vlerësojmë klauzolat, shkeljen dhe procedurën e njoftimit përpara se të kërkohet zgjidhja. Ndalimi i punës ose përfundimi pa ndjekur kushtet mund të ndikojë në pretendimet tuaja.

Keni një kontratë për të nënshkruar?

Na tregoni objektin, rolin tuaj dhe afatin e propozuar për marrëveshjen.

Kërkoni kontrollin e draftit